Urtero egiten dugun bezalaxe, gabonetan bi txapelketa antolatzen ditugu, bata urteko azkeneko txapelketa eta bestea urte berriko lehen txapelketa. Gabonetako txapelketa hau, urteko azkena izateagatik eta data bereziak direla eta, maila ezberdineko jokalariez osaturiko taldeak osatzen ditugu, mailak parekatu eta maila, genero eta adin aniztasuna uztartzen dituen ospakizuna da. Modu honetan, edozein jokalarik txapelketa irabazteko aukera izan dezake. Hala eta guztiz ere, finalistek trofeo bat irabazten duten arren, klubeko babesleen goi mailako produktuak, partaide guztien artean zozketatzen dira, beraz, edozein izan daiteke saridun. Dena dela, helburua, squashean jolastu, squasha normalizatu eta kirol guztietan bezalaxe, emakume eta gaztetxoen parte hartzea sustatzea da. Ahal izango balitz, talde bakoitzeko gizonezko bat, emakumenzko bat eta adingabeko bat elkartzea litzateke. Beraz animatu eta gurekin harremanetan jarri. Espero zaituztegu.